Moldarhaugur

Hæ, hæ!
Soldið síðan það var bloggað síðast enda nóg um að vera.
Kristján og Maja voru í heimsókn í viku og ferðuðust svo með bíl frá Gautaborg til Sviss s.l. laugardag. Öfundaði þau ekki, enda langar bílferðir ekki vinsælar á þessum bæ...
Við fórum sama dag til systur hans Christians í "krabba"veislu eða kräftskiva. Það var mjög gaman. Hægt að skoða myndir hér.
Við gistum eina nótt og á leiðinni heim komum við við hjá tengdó en tengdamamma átti afmæli. Gistum þar eina nótt og komum aftur til Gautaborgar úthvíld á mánudeginum.
Á þriðjudeginum mætti gröfunarkarl kl. 6.20 um morgunin. Það þurfti að gera leið inn í garðinn fyrir risabor sem boraði 2 göt í jörðina fyrir jarðhita á miðvikudeginum. Ætlunin var fyrst að hafa eitt gat 190m niður en þeir komust ekki lengra en 138 m og gerðu því 2 göt, hitt varð 80 m djúpt.
Þannig að garðurinn er nú einn moldarhaugur og rigningin s.l. daga hefur ekki bætt ástandið.

Kristján og Maja komu svo aftur til okkar í gærkvöldi. Mjög gaman að fá þau þó að þau stoppi stutt í þetta sinn. Kristján er að fara í brúðkaup í dag og Maja flýgur heim til Íslands á morgun.
Kristján nefndi það þegar hann var hér fyrir viku að kvennamálin gengu betur í Svíaríki en í Sviss enda ekki skrítið þegar aðaltískan hér á bæ eru bolir sem á standa "SINGEL".
Þessir bolir hljóta að gera veiðina, mun auðveldari.
Áhugasamir geta skoðað bolina hér og hér.

Nokkrar fleiri myndir eru komnar í ágústalbúmið.