Nýjar myndir / Nya bilder

þriðjudagur, 7. ágúst 2007

Nýjar myndir / Nya bilder

Nýjar myndir / Nya bilder
Ágústalbúm

2 ummæli:

Nafnlaus sagði...: hann er nú meiri rúsínan þessi drengur.
Við erum einmitt að byrja á grautnum um þessar mundir vegna svefnleysi hjá mér. Hann hefur fært sig upp á skaftið undanfarið með drykkju á nóttunni.
Hlakka til að sjá ykkur á klakanum í lok ágúst
kv
Kolla; 8. ágúst 2007 kl. 10:18
Nafnlaus sagði...: Æðislegar myndir.... Lítur út fyrir að þið hafið náð smá sumarveðri eftir allt.
Sjáumst fljótlega...
Addý; 10. ágúst 2007 kl. 00:53

Fæðingarsaga Guðjóns Ísaks

Guðjón Ísak fæddist kl. 07.43 á föstudagsmorgni þann 23. febrúar 2007. Hann lét mömmu og pabba bíða eftir sér en áætlaður fæðingardagur var mánudagurinn 12. febrúar enda leið honum vel í bumbunni.
Mömmu leið líka vel á meðgöngunni og vann fulla vinnu (sleppti þó vöktum síðustu vikurnar) fram til 39. viku. Við tók undirbúningsvinna, strauja barnaföt, baka og borða bökunarverkin.
Þrátt fyrir að allt var orðið tilbúið og tilvonandi foreldrar biðu spennt bólaði ekkert á erfingjanum.
Þann 21. febrúar var komið við á kvennadeild í mónitor og áætlað að mæta í skoðun til Kollu (með Davíð Helga í bumbunni) m.t.t. til gangsetningar þann 23. febrúar.
Þess þurfti þó ekki.
Í göngutúr með tilvonandi ömmu seinni partinn þann 22. febrúar byrjaði sá litli að minna á sig og nauðsynlegt var að hægja á ferðinni á 15-30 mín. fresti.
Mömmunni tókst þó að borða kvöldmat með bestu lyst og var byrjuð að horfa á Desperate Housewives kl. 21.15. Þrátt fyrir að vera á fjórum fótum andandi gegnum verki á 5 mín fresti gat hún fylgst með söguþræðinum.
Kl. 23 eftir að hafa verið stutta stund í baði, þá með 2-3 mín . milli hríða var foreldrum sagt að koma á fæðingardeildina.
Í ljós kom að útvíkkun var 4 og var gengið með stuttum skrefum inn á fæðingarstofu nr. 2.
Hríðarnar hörðnuðu fljótt og ógleði og uppköst fylgdu í kjölfarið og tilvonandi mömmunni létti verulega þegar Aðalbjörn svæfingarlæknir kom og setti epiduraldeyfingu.
Þvílík himnasending!
Báðum foreldrum tókst að hvíla sig og safna kröftum fyrir rembingnum sem byrjaði upp úr kl. 07.
U.þ.b. þrem korterum seinna kom litli prinsinn í heiminn.
Öskraði strax og var fljótur í brjóstaleit.
Sá "litli" reyndist vera 3720 grömm og 50 cm og það fallegasta sem mamman og pabbinn höfðu séð.

Margrét & Christian - MOC

þriðjudagur, 7. ágúst 2007