Afmæli!

sunnudagur, 24. febrúar 2008

Afmæli!

Kærar þakkir fyrir allar afmæliskveðjur og gjafir!

Nýjar myndir komnar í febrúaralbúmið, nýtt albúm frá afmælinu og svo var auka afmæli með nágrannakrökkunum!

4 ummæli:

Nafnlaus sagði...: En skemmtilegar myndir!! Greinilega verid fjor a baenum. Og ekkert SMA FLOTT afmaeliskaka. Eg vildi ad einhver bakadi svona handa mer i dag :); 28. febrúar 2008 kl. 05:05
Magga sagði...: Hef hugsad til thin i allan dag Olöf min! Innilega tilhamingju med daginn!!
Knus
Magga; 28. febrúar 2008 kl. 19:42
Ólöf Viktorsdóttir sagði...: Takk takk :)
Mikið var gaman að spjalla við þig næturvakt-to-næturvakt um daginn. Verdum endilega að gera þetta sem oftast!
Bestu kv. Ólöf; 6. mars 2008 kl. 20:00
Arna B. sagði...: Sæti sæti. Til hamingju með litla guttann um daginn. Ekkert smá flottur.
Kær kveðja,
Arna; 13. mars 2008 kl. 11:21

Skrifa ummæli

Fæðingarsaga Guðjóns Ísaks

Guðjón Ísak fæddist kl. 07.43 á föstudagsmorgni þann 23. febrúar 2007. Hann lét mömmu og pabba bíða eftir sér en áætlaður fæðingardagur var mánudagurinn 12. febrúar enda leið honum vel í bumbunni.
Mömmu leið líka vel á meðgöngunni og vann fulla vinnu (sleppti þó vöktum síðustu vikurnar) fram til 39. viku. Við tók undirbúningsvinna, strauja barnaföt, baka og borða bökunarverkin.
Þrátt fyrir að allt var orðið tilbúið og tilvonandi foreldrar biðu spennt bólaði ekkert á erfingjanum.
Þann 21. febrúar var komið við á kvennadeild í mónitor og áætlað að mæta í skoðun til Kollu (með Davíð Helga í bumbunni) m.t.t. til gangsetningar þann 23. febrúar.
Þess þurfti þó ekki.
Í göngutúr með tilvonandi ömmu seinni partinn þann 22. febrúar byrjaði sá litli að minna á sig og nauðsynlegt var að hægja á ferðinni á 15-30 mín. fresti.
Mömmunni tókst þó að borða kvöldmat með bestu lyst og var byrjuð að horfa á Desperate Housewives kl. 21.15. Þrátt fyrir að vera á fjórum fótum andandi gegnum verki á 5 mín fresti gat hún fylgst með söguþræðinum.
Kl. 23 eftir að hafa verið stutta stund í baði, þá með 2-3 mín . milli hríða var foreldrum sagt að koma á fæðingardeildina.
Í ljós kom að útvíkkun var 4 og var gengið með stuttum skrefum inn á fæðingarstofu nr. 2.
Hríðarnar hörðnuðu fljótt og ógleði og uppköst fylgdu í kjölfarið og tilvonandi mömmunni létti verulega þegar Aðalbjörn svæfingarlæknir kom og setti epiduraldeyfingu.
Þvílík himnasending!
Báðum foreldrum tókst að hvíla sig og safna kröftum fyrir rembingnum sem byrjaði upp úr kl. 07.
U.þ.b. þrem korterum seinna kom litli prinsinn í heiminn.
Öskraði strax og var fljótur í brjóstaleit.
Sá "litli" reyndist vera 3720 grömm og 50 cm og það fallegasta sem mamman og pabbinn höfðu séð.

Margrét & Christian - MOC

sunnudagur, 24. febrúar 2008

Afmæli!

4 ummæli:

Fæðingarsaga Guðjóns Ísaks

Áhugaverðir tenglar