Afmæli!

miðvikudagur, 16. júlí 2008

Afmæli!

Þakka kærlega fyrir allar afmæliskveðjur!
Æði að eiga góða vini sem muna eftir manni!

Hef átt frábæra daga með tengdó í heimsókn. Tengdapabbi tók garðinn í gegn, tengdamamma eldaði rosa góðan mat auk þess sem þau pössuðu Ísak. Fórum um helgina í Slottskogen (Gautaborgs Central Park) og skoðuðum dýrin. Komnar myndir!

Byggingarframkvæmdirnar fljúga áfram!
Myndir af framkvæmdum í öfugri röð.

1 ummæli:

Ólöf Viktorsdóttir sagði...: Elsku Magga. Til hamingju með afmælið um daginn, dáldið í seinni kantinum en ég var ekki í tölvunálægð á afmælisdaginn, heldur var ég að keyra Big Sur og hugsaði til þín á sömu slóðum fyrir nokkrum árum :)
kv. Ólöf; 19. júlí 2008 kl. 18:42

Skrifa ummæli

Fæðingarsaga Guðjóns Ísaks

Guðjón Ísak fæddist kl. 07.43 á föstudagsmorgni þann 23. febrúar 2007. Hann lét mömmu og pabba bíða eftir sér en áætlaður fæðingardagur var mánudagurinn 12. febrúar enda leið honum vel í bumbunni.
Mömmu leið líka vel á meðgöngunni og vann fulla vinnu (sleppti þó vöktum síðustu vikurnar) fram til 39. viku. Við tók undirbúningsvinna, strauja barnaföt, baka og borða bökunarverkin.
Þrátt fyrir að allt var orðið tilbúið og tilvonandi foreldrar biðu spennt bólaði ekkert á erfingjanum.
Þann 21. febrúar var komið við á kvennadeild í mónitor og áætlað að mæta í skoðun til Kollu (með Davíð Helga í bumbunni) m.t.t. til gangsetningar þann 23. febrúar.
Þess þurfti þó ekki.
Í göngutúr með tilvonandi ömmu seinni partinn þann 22. febrúar byrjaði sá litli að minna á sig og nauðsynlegt var að hægja á ferðinni á 15-30 mín. fresti.
Mömmunni tókst þó að borða kvöldmat með bestu lyst og var byrjuð að horfa á Desperate Housewives kl. 21.15. Þrátt fyrir að vera á fjórum fótum andandi gegnum verki á 5 mín fresti gat hún fylgst með söguþræðinum.
Kl. 23 eftir að hafa verið stutta stund í baði, þá með 2-3 mín . milli hríða var foreldrum sagt að koma á fæðingardeildina.
Í ljós kom að útvíkkun var 4 og var gengið með stuttum skrefum inn á fæðingarstofu nr. 2.
Hríðarnar hörðnuðu fljótt og ógleði og uppköst fylgdu í kjölfarið og tilvonandi mömmunni létti verulega þegar Aðalbjörn svæfingarlæknir kom og setti epiduraldeyfingu.
Þvílík himnasending!
Báðum foreldrum tókst að hvíla sig og safna kröftum fyrir rembingnum sem byrjaði upp úr kl. 07.
U.þ.b. þrem korterum seinna kom litli prinsinn í heiminn.
Öskraði strax og var fljótur í brjóstaleit.
Sá "litli" reyndist vera 3720 grömm og 50 cm og það fallegasta sem mamman og pabbinn höfðu séð.

Margrét & Christian - MOC

miðvikudagur, 16. júlí 2008

Afmæli!

1 ummæli:

Fæðingarsaga Guðjóns Ísaks

Áhugaverðir tenglar